Речиси 200 натпреварувачи од повеќе градови во Македонија учествуваа на натпреварот во планинско трчање Graтche Trail Run што втор пат се одржа во околината на акумулацијата Гратче кај Кочани.

Патниот правец Кочани - Пониква од 9 часот е затворен за сообраќај поради асфалтирање. На патниот правец Р 1308 Макази - г.п. Маркова Нога поради свлечиште кај м.в. Долги Рид сообраќајот се одвива по една коловозна лента во должина од 150 метри. На самото место поставена е соодветна сообраќајна сигнализација.

Земјоделци, пчелари и туристички работници од руралните средини во струшко ги претставија своите производи во Вевчани на саемот за органска храна „Органско на нива, традиционално на трпеза“. Саемот е дел од проектот „Органска фарма - Рурална кохезија за зголемен потенцијал на руралниот туризам и одржлив економски рурален развој”, имплементиран од здружение Креативен центар „Рурбанкулт-Струга“ и Здружение на пчелари „Матица 2012“.

Продолжува изградбата на мини обиколницата во Штип, која треба да го реши сообраќајниот хаос на влезот од градот, каде што се лоцирани и индустриските зони.

На планината Голак во Делчево заврши првиот дел од изградбата на новата црква „Св.Пантелејмон”. Како што информираше ктиторот Мите Стојковски со градежни активности ќе се продолжи во текот на пролетта 2019 година.

Градоначалникот на Крива Паланка Борјанчо Мицевски организираше прием на делегации на Организацијата на резервни офицери на Македонија, предводена од претседателот проф.д-р Ѓорѓи Малковски, претставници на ОРОРМ Крива Паланка и гости од Организација на резервни воени старешини од Зрењанин , Србија.

Во организација на Мотоклубот „МотоВелес“ и со финансиска подршка на Општина Велес, денеска од 10 часот во реонот на велешкото езеро „Младост“ ќе се одржи четвртата трка во ендуро од Државниот шампионат на Македонија.

Претседателот на Владата на Република Македонија, Зоран Заев, вечерва во Хотелот „Цар Самуил“ во Бања Банско ја отвори 21 Тортијада на лицата телесен инвалидитет.

Како дел од проектот „Градење инфраструктура за одржлив развој на туризмот”, општина Берово го доби првиот дигитален информативен пункт. Опремата е вредна 9.000 евра и истата е поставена во Музејот на град Берово.

Бараме поголеми права и грижа на заедницата за лицата со различна попреченост, со хендикеп и со церебрална парализа, побараа денеска неколку прилепски здруженија и родителите на лицата со попреченост во центарот на градот. Со ова, велат, се приклучуваат на акцијата низ македонските градови денеска од 12 до 13 часот насловена „Рехабилитација базирана на заедницата“.