Над 15.000 патници влегле, над 16.000 излегле на граничниот премин „Табановце“ за време на продолжениот празничен викенд, информираа денеска од МВР. На граничниот премин „Пелинце“, пак, влегле над 5.000 лица, а излегле над 1.700.

Екипа пожарникари од Доброволното противпожарно друштво од Кочани доцна синоќа интервенираа во спасување повредена и дезориентирана птица од загрозениот вид источноевропски царски орел.

Во следните денови времето ќе биде сончево и топло со појава на попладневна облачност и со слаб до умерен северен ветер, поизразен долж Повардарието, соопшти УХМР.

Под контрола се ставени пожарите во Охрид: Косел – Расино – Опеница – Вапила, во Општина Богданци, кај месноста викана Погана кон ветерен парк Богданци и во Општина Пласница, кај село Латово.

- Пожарите се локализирани и завршени, моментално на територијата на општините Куманово и Липково нема активни пожари, велат од РЦУК Куманово.

Хеликоптерите на Одделот за воздухопловни единици на МВР во текот на денот фрлија преку 105 тони вода врз пожарите кај село Семениште, Јасен и во Светиниколско.

Премиерот Христијан Мицкоски, денеска по повод Илинден го посети струшкото село Ташмаруништа, во кое, како што објави на својот Фејсбук профил, редовно го одбележувал денешниот празник додека бил лидер на опозицијата.

Лидерот на единствената партија на Македонците во Албанија, Македонска алијанса за европска интеграција (МАЕИ) и претседател на друштвото „Сонце“ Васил Стерјовски, присуствуваше и на 53. Семакедонска средба во Трново, каде што традиционално престојува секој Илинден.

Според последните информации од Територијалната противпожарна единица, за локализирање на пламенот потребен е засилен ангажман од локалното население и од екипите на Подржужницата на „Македонски шуми“, чија поддршка засега отсуствува.

Во деновите од викендот, особено утре во попладневните и вечерните часови, наместа ќе биде нестабилно со пороен дожд и грмежи. Локално ќе има невреме со интензивен пороен дожд, грмежи, силен ветер (над 60 km/h) и појава на град.