Првите два дена од новата 2025 година кумановци се соочуваат со аерозагадување, општината денеска извести да се почитуваат повеќе мерки поради надминување на прагот на информирање за суспендирани честички со големина до 10 микрометри PM10.

Министерството за социјална политика, демографија и млади во соработка со компанијата ВЕРО, денеска во Битола продолжија со националната кампања „Поддршка за згрижувачките семејства“.

Првородените бебиња во Струмица во новата година се машки близнаци. Попладнево, десетина минути пред 17 часот, на Одделението за гинекологија и акушерство при струмичката болница на свет ги донесе мајката Ѓоргина Стојчева од село Моноспитово, Општина Босилово.

Градот, иако е најголема општина во државата според број на население, со 20 училишта е и со најголем број ученици, сепак не го одминува бранот на отселување особено кон западно-европските земји.

Првото бебе во Куманово е девојче, второ дете во семејството Асанови од Крива Паланка. Мајката Хамиде и новороденчето се во добра здравствена состојба.

Според УХМР, поради спуштање на постудена воздушна маса со засилен северен ветер врнежите ќе преминуваат во снег на повисоките и на некои од пониските места. На планините снежната покривка ќе се зголеми, а помала снежна покривка ќе се формира и на некои од повисоките места.

Во 2025 година македонските граѓани ќе имаат пет продолжени викенди. Од вкупно 11 неработни денови за сите граѓани, пет се или се во петок или понеделник и се поврзуваат со викендот, или пак се во недела и согласно Законот неработните денови се префрлаат во понеделник.

Битолчанка на 25 годишна возраст на свет донесе здраво женско бебе кое ќе се вика Миа, истакна мајката за време на посетата на ЈЗУ Клиничка болница-Битола што ја оствари градоначалникот Тони Коњановски.

Близначки се првите бебиња годинава во Велес. Нивните имиња се Сара и Јана. Мајката, Виолета Андовска од велешкото село Сујаклари, има 30 години и со сопругот Далибор веќе го имаат синот Давид.

Најновиот жител на Прилеп, Стефани, е првото бебе што се роди во новата 2025 година. На мајката Ангела Јанеска која се породи по 5 часот изутрината на гинеколошкото одделение во прилепската болница, ова ѝ е првото дете. На сите идни мајки им ја препорачува возбудата од раѓањето на чедото.