На летната сцена на плоштадот „Карпошово востание“ во Крива Паланка беше отворено јубилејното, десетто издание на Интернационалниот театарски фестивал „Св.Јоаким Осоговски“. Признанието-лауреат на годинашниот фестивал на Македонскиот актер му беше врачено на Благоја Чоревски.

Во Центарот за култура „Браќа Миладиновци“ во Струга вечер ќе бидат одбележани 50 години театарска дејност на Христо (Ристе) Миладинов.

Со предавање на архимандритот Методије и со изложба на фотографии од монахот Милутин Хиландарец, вечер (19:00) во Кинотека на Македонија ќе почнат Деновите на Хиландар во Скопје, во организација на Српскиот културно-информативен центар „Спона“.

Здружението за наука и култура од Битола и Друштвото на писателите на Македонија денеска во битолскиот Центар за култура организираат поетско-сценски и ликовен перформанс „Поетска гравитација“ во рамки на проектот „Нов културен бран“ на Министерството за култура.

Здружението на филмски продуценти на Македонија (МЗФП) организира Денови на македонскиот филм од денеска до 21 септември во центрите на културата во девет градови во Македонија.

Годинава Остен - уметност на хартија одбележува голем јубилеј, 50 години Светска галерија на карикатури. Во 2018 година е редовното издание на Остен - Биенале на цртеж. За промоција на овие две активности во следните три месеци е планирана разновидна програма, рече на денешната прес-конференција извршната директорка на „Остен“ Корнелија Конеска.

Претставата на прилепскиот театар „Клетници“ во режија на Мартин Кочоски се закити со награди на 26. фестивал на камерен театар „Ристо Шишков“, кој заврши во Струмица, информираат од Центарот за култура „Марко Цепенков“ од Прилеп.

Наградата за високо актерско остварување на 26. издание на фестивалот на Камерен театар „Ристо Шишков“ ја доби актерот Благоја Чоревски.

Со „Блокбастер“ - претстава со филмски кадри од 160 холивудски филмови, на 20 септември во Македонскиот народен театар ќе почне 43. Меѓународен театарски фестивал Млад отворен театар (МОТ) кој ќе се одржува до 28-ми месецов.

Македонскиот сатиричар кој живее и твори во Делчево, Миле Ѓорѓијоски е овогодинешен победник на најистакнатиот фестивал на хумор и сатира на Балканот – „Белосветски фестивал за хумор и сатира“ во Шабац, Република Србија. Фестивалот се одржува во рамки на манифестацијата „Шабачка чивијада” од 13 до 15 септември.