Програмата на Македонската академија на науките и уметностите за 2018-та, која беше комплексна, разновидна и богата, од јануари досега се реализира со задоволително темпо и без посебни проблеми, оцени претседателот на МАНУ Таки Фити во речта што ја одржа по повод 51 година од основањето на Академијата.

Ексклузивност, уникатност и храбра програмска ориентација најави Скопскиот џез-фестивал за 37-мото издание кое ќе се одржува од 17 до 21 октомври на две локации во главниот град: Македонската опера и балет и Младинскиот културен центар.

Пијанистката Арјана Куриу-Груби и виолистот Блерим Груби, членови на „Камерно дуо“, вечер од 18.30 часот ќе одржат концерт во Културно-информативниот центар на Република Македонија во Софија.

Прилепскиот народен театар „Војдан Чернодрински“ утревечер премиерно ќе ја изведе претставата „Казимир и Каролина“ од германскиот автор Еден фон Хорват во режија на Нела Витошевиќ. Ова е втора премиера од годинашнава програма на театарот.

Професор доктор Јордан Михајловски е добитник на годинашната општинска награда „8 Октомври" која општината ја доделува по повод празникот на градот.

Новиот број на списанието „Книжевно житие“ на Книгоиздателството „Макавеј“ целосно е посветен на современа хрватска поезија.

Државниот правобранител, на барање на Министерството за култура, побарал од Основниот суд Скопје 2 привремена забрана за емитување на филмот „Ругање со Христос“, пренесува Алсат.

Ексклузивни археолошки наоди на некропола од првите векови од новата ера ги забави работите на експресниот пат Градско-Прилеп, поточно кај Фаришката клисура. Отриени се три наоѓалишта, од кои две се решени, а археолозите моментално, до 20 октомври, работат на истражувањата на некрополата, на археолошкиот локалитет Гробишта, во месноста Кршла, во непосредна близина на селото Раец.

Државниот правобранител на Република Македонија ќе го повлече предлогот до Основниот суд Скопје 2 за изрекување на мерката времена забрана за прикажување на филмот „Ругање со Христос".

Интимен театар од Битола со претставата „Три прави, три опачни“ (седум осмини) по текст на Никола Пројчевски и во режија на Софија Ристевска-Петрушевска вечерва ќе настапи на малата сцена на театарот „Јордан Х.К-Џинот“ во Велес.