Тимот на порталите Факултети.мк и Деца.мк кој го подготви проектот „Светот на Биби“ соопшти дека азбуката на сезнајката Биби од синоќа е достапна за детската публика преку нејзиниот јутјуб-канал Биби/Bibi: https://www.youtube.com/watch?time_continue=1&v=VyyyNQn0-jw.

Младиот пијанист Арда Мустафаоглу во текот на октомври и ноември ќе има рецитали во Прилеп, Струмица, Велес и Штип.

Квалитетните преведувачи тешко доаѓаат до израз и често се незабележани во мноштвото преводи на пазарот. Според професионалците во оваа дејност, неквалитетни или недоволно созреани преводи се појавуваат затоа што главен критериум е цената, роковите се најчесто кратки.

Во рамките на својата посета на Саемот на книгата во Франкфурт по повод националното претставување на Република Македонија на оваа манифестација, министерот за култура, Асаф Адеми, денеска оствари средба и со директорот на Саемот на книгата во Лајпциг Оливер Зиле.

Академија „Анте Поповски“ е основана во рамки на програмските активности на меѓународната поетска манифестација „Анте Поповски - Антево перо“, што се одржа во родното село на поетот Лазарополе.

Првпат пред прилепчани синоќа беше отворена изложбата на фотографии за фрескоживописот на црквата „Св. Ѓорѓи“ во Курбиново. Околу 30 фотографии, што ги направиле студентите по дигитална фотографија од универзитетот „Георг Аугустус“ од Гетинген претставуваат поединечни фигури и сцени од фрескоживописот, светски познато од византискиот период кој датира од 12. век.

Со 30-ина слики и шест мермерни скулптури од годинашново Прилепско уметничко лето, синоќа Центарот за современа ликовна уметност од Прилеп во своите простории во Домот на културата „Марко Цепенков“ одбележа 55. годишнината на Меѓународниот симпозиум во мермер што е дел од работилниците на Центарот.

Во Ликовниот салон во Велес синоќа беше отворен 16-от Меѓународен салон на стрип што го организира Стрип центарот на Македонија - Велес со финансиска подршка на Министерството за култура и Општина Велес.

Камерниот ансамбл „Аулос“ кој на музичката сцена во Македонија постои десет години, вечер ќе одржи концерт во Музејот на Град Скопје.

Во Домот на културата „Тошо Арсов“ во Виница од 22 до 29 октомври ќе се одржува Фестивалот на хумор и сатира „Ин Виница веритас“, кој одбележува 25 години од основањето и станува препознатлив не само во општината, туку и во државата.