Во Занаетчискиот дом Куманово, вечерва пред граѓаните беше прикажан францускиот филм „Жените од шестиот кат“, комедија која годинава забележа успех и во Франција во рамки на француската филмска вечер.

Љубовен, за денешни и дамнешни души е шестиот долгометражен игран филм „Врба” на Милчо Манчевски чие снимање почна денеска во близина на прилепското село Крушевица.

Македонската филхармонија во периодот од 28 октомври до 2 ноември ќе биде на турнеја во шпанските градови Сарагоса и Хуеска. На 30 октомври филхармонијата ќе одржи концерт во салата „Моцарт“ во Аудиториумот во Сарагоса, додека на 1 ноември ќе настапи во Конгресната палата во Хуеска.

Во Младинскиот културен центар вечерва свечено беше отворено 12. издание на театарскиот фестивал Скупи, на кое присуствува премиерот Зоран Заев и министерот за култура Асаф Адеми. Пред публиката во следните седум дена ќе се претстават седум театарски ансамбли од регионот и Европа.

Конзерваторските работи на крстилницата во Епископската базилика во Стоби се завршени со третиот грант од Амбасадорскиот фонд за културна заштита на САД, вреден речиси 89 илјади американски долари наменет за овој археолошки локалитет. Првиот американски грант од 15.000 долари беше за истражувања на Римскиот форум во Стоби, а следниот од 72.600 долари – за заштита на фреските од базиликата.

Во Струмица денеска почна Есенската школа за млади афористичари, на која учествуваат ученици од трите средни училишта во Струмица.

Иновацијата ELIF and MELIF, семaфор за невреме на кумановецот Борис Секирарски освои сребрен медал на Интернационалната изложба за иновации ARCA и Меѓународниот саем за земјоделски иновации AGRO ARCA, која се одржа од 18-ти до 20 октомври во Загреб, Република Хрватска.

Македонскиот народен театар се приклучува на хуманитарната акција за помош на 15-годишната Сара Настеска од Охрид на која и е неопходна трансплантација на коскената срж . МНТ одлучи приходот од влезниците за претставата „Силјан Штркот шанца“ да го уплати на сметката за помош на семејството Настески од Охрид.

Со отворање изложба на карикатури на тема „Часовникот на судниот ден“, почна Меѓународниот фестивал на хумор и сатира „Ин Виница веритас“, кој одбележува 25 години од основањето.

Од утре до 30 октомври во Младинскиот културен центар ќе се одржува 12. Интернационален театарски фестивал „Скупи“, на кој ќе гостуваат седум претстави од исто толку земји.