Мултимедијалниот проект „Монолози“ ќе се одржи вечерва во Музеј на Град Скопје во рамки на фестивалот „Златна лира“. „Монолози“ претставува своевиден музички театар, во кој музичката изведба и драмската игра се обединети во уникатен музички перформанс.

Меѓународниот центар за уметност и одржлив развој Арт Поинт – Гумно во село Слоештица, јубилејот – 15 години креативна работа ќе го одбележи со изложба што ќе биде отворена вечер во Домот на културата ,,Илинден” во Демир Хисар.

Општина Велес објави конкурс за доделување на актерската награда за животно дело „Петре Прличко“, информира на денешната прес конференција градоначалникот Аце Коцевски.

Спомен соба за доајенот на македонската народна песна, Никола Бадев, беше отворена вечерва во рамките на новиот музеј во Кавадарци, по повод 100-годишнината од неговото раѓање. Директорката на музеј галеријата, Весна Ѓорѓиева за Бадев рече дека е бардот на македонската изворна народна музика, доајен и легенда, амбасадор на македонската изворна народна песна.

Продолжува претставувањето на Филмот „Коливо” на меѓународна сцена. Филмот што делчевскиот режисер Андреј Волкашин го сними во селото Град во Делчево, влезе во натпреварувачка конкуренција на 16-тото издание на „Тирана Филм Фест“, што од 2 до 9 ноември ќе се одржи во Албанија.

Младата французинка Гладис Авињон е годинешен победник на традиционалниот музички натпревар што секоја година се одржува на европските лајонс форуми.

Македонија и македонската современа литература ќе биде во фокусот на Регионалната програма на годинешниот 24. Саем на книгата во Истра, што ќе се одржи во Пула од 29 ноември до 9 декември.

„Телото како вселенски брод“ е насловот на предавањето што денеска во Кино салата на Музејот на современата уметност (МСУ) ќе го одржи Лиза Нојберг, уметничка од Малме, Шведска, која ги истражува радикалните можности за педагогија и перформанси преку процеси кои вклучуваат колективни, утописки, трансгресивни, пресечни и критични практики.

На големата сцена во театарот „Јордан Х.К.-Џинот“ во Велес, вечерва, премиерно ќе биде изведена претставата „Елешник“ од Југослав Петровски, во режија на Елеонора Теова. Таа појаснува дека „Елешник“ е претстава за дадениот збор, за образот и чесноста на една бескрајна љубов, што стануваат робови притиснати од стегите на лакомоста, отуѓеноста и лошото влијание на „брзото живеење“.

„Види ја ти неа“ во режија на Горан Столевски ќе биде прикажан во Официјалната програма Balkan Survey на 59. Интернационалниот филмски фестивал во Солун со две проекции, на 5-ти и 11 ноември.