Во организација на Националниот сојуз на лица со телесен инвалидитет на Македонија „Мобилност Македонија“, денеска во објектот „Порта Македонија“ ќе биде отворена изложба на слики од деветата Mеѓународна ликовна колонија „Охрид 2018“.

Во прилепското кино „Мис Стон“ синоќа премиерно беше прикажан документарниот видео запис насловен „Експедиција нов простор“, како дел од проектот „Коти на културата“ (Координати на културата) на прилепската невладина „Агтис“ во соработка со извидничкиот одред „Феникс“.

Во Домот на млади во Штип вечер ќе почне првиот Меѓународен театарски фестивал „Театар во куфер“ кој, според организаторите, ќе биде поразличен од останaтите македонски фестивали зашто целта му е да го врати театарот на почетоците, кога се што му било потребно и доволно на актерот бил куферот со кој можел да одигра претстава секаде и пред секого.

Во салонот на Македонската опера и балет денеска ќе биде изведена популарната опера „Севилскиот бербер“ од Џоакино Росини, комична приказна за победата на младоста и љубовта, во два чина.

Со промоција на публикацијата „Кочо Рацин“ – живот и дело од авторите Павлина Василева и Марин Клифив попладнево во „Сокачето на поезијата“ кај Спомен куќата на Коста Солев Рацин во Велес завршија 51-те Детски Рацинови средби.

Писателката Лидија Димковска за расказот „Кога заминав од Карл Либкнехт“ доби специјално признание „Европско културно наследство“, на кое ЕУ му ја посвети 2018 година.

Романо Проди, еден од водечките визионери и градители на европската идеја, поанешен премиер на Италија и претседател на Европската комисија, е добитник на Светската награда за хуманизам за 2019 година. Со оваа награда, Охридската академија на хуманизмот го слави името на Св. Климент на сите светски меридијани.

Документарните филмови „Камените кукли раскажуваат“ и „Двојните цркви во кумановско“ од кустосот Валентина Андреиќ и вишиот кустос Анита Трајковска Ѓорѓиоска од кумановскиот музеј освоја награди „Специјална плакета за истражувачка сторија“ и „Плакета за најдобра репортажа“ на 26-тиот Меѓународен фестивал на аматерски документарен филм „Камера 300“ во Битола.

Институтот за национална историја (ИНИ) ќе го одбележи 70-годишниот јубилеј со свечена академија вечер од 19 часот во Македонската академија на науките и уметностите.

„Театар во куфер“ е насловен новиот меѓународен театарски фестивал што од 9 до 20 ноември ќе се одржува во Штип и ќе прикаже една гостинска и пет домашни претстави. Ќе биде отворен в петок со „Европејци“ на театарот „Драфт“ од Тузла, Босна и Херцеговина. Организатор е Домот на млади во Штип и, покрај на неговата сцена, ќе има изведби и во Мултимедијалниот центар „Киро Глигоров“.