Концерти со Камерниот оркестар на Битола, гостување на балетот на МОБ, изложби и ревија на македонскиот игран филм ќе доминираат во првото програмско тримесечие на НУ Центар за култура-Битола.

„Процесот на Слански и други чешки судбини” и „Храбал – тажниот крал на чешката книжевност” се два нови наслова во едицијата „Прашки ракописи” на Ристо Лазаров во издание на „Везилка 2011”.

Изложбата „Повеќе од должност“ свечено ќе биде отворена денеска во Културно информативниот центар по повод 27 јануари – Меѓународниот ден на сеќавање на холокаустот.

„Маџун“ – најновиот роман од македонскиот истакнат писател Влада Урошевиќ во издание на издавачката куќа „Магор“, ќе биде промовиран вечер во Кино Култура.

Во Младинскиот културен центар – Галерија вечер од 20 часот ќе биде промовирана стихозбирката „Наштимана тишина“ – дебитантска книга на 14-годишната Стефанија Александар Ристовска.

Асоцијацијата за здравствена едукација и истражување ХЕРА ги поканува сите уметници од Македонија да донираат уметнички дела за прибирање средства за децата и семејствата жртви на семејно насилство – штитеници на Првиот семеен центар во Град Скопје.

Македонската филхармонија вечер со симфонискиот концерт „Слободен и среќен“ ќе го почне вториот дел од концертната сезона 2018/2019. За првпат на македонската музичка сцена како солист ќе настапи француската трубачка Лусјен Ренодин-Вари и ќе го изведе атрактивниот Концерт за труба и оркестар во Ас-дур од ерменскиот композитор Александар Арутунијан.

Македонска опера и балет Ви ја најавува балетската претстава „Оревокршачка“ со две изведби во среда, 30.01 и сабота, 02.02.2019 со почеток во 20 часот.

Ансамблот на НУ Народен театар-Битола ги заврши подготовките за прва изведба на театарската претстава „Детето сонува“, чиј автор е Ханох Левин (1943-1999), а режисер Итаи Дорон, двајцата од Израел.

Во просториите на СУГС „Никола Карев“ во Скопје на 7 март ќе се одржи Младински филмски фестивал во рамки на фестивалот „Три дена култура“.