Обезбедени се сите потребни средства, околу 70 милиони евра, за изградбата на експресниот пат Прилеп-Градско. Сега се гради делницата од Фаришка до Дреновска кллисура, изјави министерот за транспорт и врски Горан Сугарески.

Министерството за финансии најави нов предлог-закон за буџет со кој ќе се воведуваат промени во среднорочното буџетско планирање, најави денеска министерот за финансии, Драган Тевдовски.

Менаџментот на АД „ЕЛЕМ“ попладнево преку соопштение ги демантираше информациите за продажба на компанијата.

Тој предложил воведување директна авиолинија Скопје – Тел Авив, како и потпишување договор во областа на туризмот.

Новата цена на „еуросупер БС-95“ ќе изнесува 63 денари за еден литар, „еуросупер БС-98“ ќе се продава за 64,50 денари, а еден литар „еуродизел“ и во наредните две недели ќе чини 48 денари.

МЕПСО ќе ја суспендира компанијата за снабдување „ЕНГ сервис трејд“ од пазарот за електрична енергија доколку во одреден рок не го плати заостанатиот долг од речиси 40 милиони денари, соопшти денеска менаџментот на МЕПСО.

Министерот за економија Крешник Бектеши денеска изјави до 1 октомври треба да заврши прилагодувањето на броилата во домаќинствата за да може да стартува дневната евтина тарифа.

Конфедерацијата на слободни синдикати на Македонија бара покачување на платите согласно покачувањето на минималната плата и свикување на седница на Економско-социјалниот совет (ЕСС) на која ќе биде разгледан овој нивни предлог.

Индустриското производство во јули годинава, во однос на јули 2016, е помало за 2,2 отсто. Во периодот јануари – јули 2017 година, во споредба со истиот период лани, пак, е поголемо за 0,7 отсто, соопшти денеска Државниот завод за статистика.

Службен весник на РМ треба да го објави изменетиот Тарифен систем за продажба на електрична енергија на домаќинства и мали потрошувачи што до нив минатата недела го достави Регулаторната комисија за енергетика (РКЕ).