Автопатот од Приштина до границата со Македонија ќе биде готов до крајот на годината, најавија косовскиот премиер Рамуш Харадинај и министерот за инфраструктура Паљ Лекај кои денеска направија увид во градежните работи на автопатот „Арбен Џафери“.

Бруто домашниот производ во второто тримесечје од годинава бележи раст од 3,1 процент, објави Државниот завод за статистика. Во првиот квартал годинава БДП имаше раст од 0,1 процент.

Национален младински совет денеска доби грант од околу 10 илјади евра за реализација на проектот Youth Wiki односно т.н. Википедија за млади која содржи девет поглавја за истражување.

Цените на угостителските услуги во август во споредба со јули годинава не забележале промена, додека во однос на јули лани има зголемување за 2,8 проценти, објави Државниот завод за статистика.

Македонско-руската стопанска комора денеска организира трибина и еднодневна обука за македонски менаџери на тема „Особености на рускиот пазар и стратегија за успех (потенцијал, можности, реализација)“.

Претставници на Македонската развојна фондација за претпријатија и CARE Германија-Луксембург на информативната средба со земјоделци, земјоделски стопанства и земјоделски задруги од полошкиот регион во Тетово ги претставија предностите од здружувањето во задруги како и можностите за аплицирање за техничка и финансиска поддршка за формирање и за развој на земјоделски задруги во Македонија.

Целосна реконструкција на булеварот „Туристичка“, на регионалниот патен правец од Охрид до селото Подмоље, делницата од Подмоље до Струга, како и патниот правец од Струга до граничниот премин „Ќафасан“ на македонско-албанската граница, најави денеска во Охрид министерот за транспорт и врски Горан Сугарески.

Прилепските компании и Македонија се соочуваат со недостиг на работна сила во секој домен, признаваат стопанствениците од прилепскиот регион и преку Регионалната стопанска комора на денешната седница на Управниот одбор се обидуваат да преземат мерки да се реши проблемот.

Компанијата „Кранфилд фаундри“ за фабриката за леење железо во индустриската зона „Неокази“ кај Пробиштип ќе добие државна помош за реализација на инвестицијата што сега се зголемува од 15 на 20 милиони евра, со отворање најмалку 100 нови работни места.

Пратеникот Панчо Минов од ГРОМ, кој побара одложување на оваа точка, предлог кој го поддржаа останатите членови, појасни дека за комисиската расправа биле утврдени седум амандмани, но оти во меѓувреме од поставувањето на точката стасале нови предлози, кои како предлагачи решиле да ги анализираат.