Според податоците на Државниот завод за статистика, од вкупниот број издадени одобренија за градење, 146 (52,9 отсто) се наменети за објекти од високоградба, 39 (14,1 отсто) за објекти од нискоградба и 91 (33 отсто) за објекти за реконструкција.

Сите физички лица кои во текот на 2018 година имаат остварено приход, вклучувајќи и оние што примиле само плата и пензија, треба електронски да се регистрираат во Управата за јавни приходи на системот Е-персонален данок.

Комитетот за оперативна монетарна политика на Народната банка на Република Македонија ги задржа согледувањата за здрави економски основи и стабилни очекувања на економските субјекти.

До крајот на годината само неколку клика ќе ги делат граѓаните од сите информации во буџетот и сите исплати од трезорот. Паралелно во Министерството за финансии се подготвуваат платформата „Отворено финансирање“ и апликацијата за граѓански буџет.

Меѓународен бизнис самит на тема „Водење бизнис и податоци“ ќе се одржи денеска во Скопје во организација на CEED Македонија и WorldChicago.

Новите 100 милиони евра од евтината кредитна линија од Европската инвестициска ќе поддржат многу компании, рече министерот за финасии Драган Тевдовски при денешната посета на производствено-логистичкиот центар на Пекабеско.

Методологијата на Светската здравствена организација (СЗО) за цените на цигарите ширум светот покажа дека брендовите кои ги пушат Македонци се најевтини во регионот.

Влезот во НАТО и ЕУ значи повисоки откупни цени, сигурен пласман, зголемени европски субвенции, нови вработувања, поголем извоз и влез на пазар од 500 милиони потрошувачи, рече денеска министерот за земјоделство Љупчо Николовски кој беше во Демир Капија.

Министерот за економија Крешник Бектеши денеска беше во работна посета на компанијата „Даути Комерц" во општина Сарај, каде најави дека Министерството за економија ќе продолжи со поддршка на малите и средните претпријатија, за кои годинава се одвоени 20 милиони денари со кои се поддржани 81 компанија.

Министерот за транспорт и врски Горан Сугарески, кој денеска беше во посета на Дојран, најави дополнителни 70 милиони евра за изградба и реконструкција на локални патишта, како и над 100 милиони евра кои ќе бидат инвестирани во водоводна и канализациона мрежа.