Министерот задолжен за регулатива за подобрување инвестициска клима за домашни претпријатија, Зоран Шапуриќ денеска се сретна со раководителот за европски фондови на Европската академија на региони, проф. Луиџи А.Дел Аквила, и со директорот на Finnova, Хуан Мануел Равуелта Перез.

Во Хидроенергетскиот слив (ХЕС) „Црн Дрим“, што го сочинуваат хидролектраните „Шпиље“ кај Дебар и „Глобочица“ кај Струга, за девет месеци произведени се вкупно 544 милиони киловат часови електрична енегија.

Во Штип денеска пред градоначалниците од Источно-планскиот регион беа презентирани условите за користење на средствата од вториот повик за подобрување на општинските услуги, кој е финансиран од Светска банка, а е објавен пред две недели од страна на Министерството за фианнсии. Тања Томиќ главен координатор на проектот вели дека повикот трае до 15 ноември.

Поддршката на малите и средните претпријатија во Македонија е исклучително мала. И покрај обидите на Фондот за иновации, искористеноста на средствата е недоволна и многу е мал бројот на фирми кои од своето основање до евентуално шестата година, како во ЕУ, ги користат услугите, не само финансиски, туку и во делот на ноу-хау, беше речено денеска во Сојузот на стопанските комори (ССК).

Во текот на минатата недела, царинските службеници спречија повеќе обиди за криумчарење разна стока, при што привремено се задржани златен накит, крзнени бунди, облека, лекови, опрема за риболов, козметички производи и фалсификати.

Средствата планирани за изградба на гасоводот што нема да бидат искористени до крајот на годината, ќе се пренаменат за реализација на други проекти, најави министерот за транспорт и врски Горан Сугарески.

Само што почнаа протест пред владата 130-ина вработени од прилепската наменска фабрика „Еурокомпозит“ остварија средба со вицепремиерот Кочо Анѓушев и се договорија за барањата што ги имаат вработените во овој единствен загубар во земјава.

Помалку од пет отсто од домашните микро, мали и средни претпријатија реализираат извоз на регионалните пазари, а само три проценти се присутни на некој од пазарите во Европската унија зашто се уште се кадровски, финансиски и технички ограничени, беше речено денеска во Стопанската комора на Македонија.

Ако Македонија влезе во политичка криза, тоа ќе се одрази врз извозната активност на компаниите, но можно е многу повеќе да влијае на нивниот раст и развој, на реализирањето на инвестициите и отворањето нови пазари, смета Стопанската комора на Македонија.

Трошоците на животот во септември 2018 година, во однос на претходниот месец,бележат намалување за 0,1 отсто, а цените на мало за 0,7 проценти. Статистичките податоците покажуваат дека трошоците на животот во септември 2018 година, во споредба со септември лани забележан е пораст од 1,5 отсто, а цените на мало 2,6 отсто.