Вкупно 11.640.243.000 американски долари изнесува трговска размена на Македонија за периодот јануари-септември 2018 година. Притоа, на извоз отпаѓаат 5.046.877.000 што е раст од 22,7 отсто во однос на истиот период лани, додека на увоз 6.593.366.000 долари што е за 19,5 отсто повеќе во споредба со јануари-септември 2017.

Министерот за економија Крешник Бектеши денеска имаше средба со директорот на Делегацијата на германското стопанство во Македонија Патрик Мартенс, на која се разговараше за инвестициската клима во Македонија, за тековните проекти и за можностите за понатамошна соработка.

Да не се избрзува со усвојување на најавената даночна и пензиско-социјална реформа, апелира денеска Стопанската комора на Македонија, коментирајќи ја завчерашната одлука на Владата.

Регулаторната комисија за енергетика (РКЕ) регулира, контролира и мониторира бизнис од 2,5 милијарди евра на годишно ниво, но нема никакво влијание врз малопродажната цена на нафтата и нафтените деривати. Нити има вина кога се зголемува, ниту, пак, има заслуга кога поевтинува цената, оценува претседателот на РКЕ Марко Бислимовски.

Со воведувањето на праведен, прогресивен данок во Македонија ќе се обезбедат дополнителни средства за воведување на минимален гарантиран приход. Со ова, најдоходовните граѓани ќе им помогнат на ранливите категории на граѓани, се наведува во денешното соопштение од Министерството за финансии.

Владата го најави воведувањето на прогресивното оданочување, реформа која беше дел од предизборните ветувања, а со која сака да ја исправи социјалната неправда и да овозможи секој граѓанин да има еднаква шанса и можности за подобар живот.

Од прогресивниот данок најголема добивка ќе има државата, вели даночниот експерт Павле Гацов во интервју во вестите на телевизија Телма.

Оваа година за разлика од претходните во законскиот рок се исплатени 95 отсто од субвенциите, изјави министерот за земјоделство, шумарство и водостопансто Љупчо Николовски денеска во село Сарамзалино каде врачи десетина договори на индивидуални земјоделци од светиниколскиот регион.

Министерката Царовска денеска на заедничка прес-конференција во Владата со министерот за финансии Драган Тевдовски ги презентираше реформите во пензискиот систем кои ќе овозможат праведна и стабилна исплата на пензиите и негова одржливост за 50 години од денеска.

Владата воведува прогресивен данок, а како праг на одданочување ќе се зема приходот од 90 илјади денари за што ќе се плаќа дополнителен данок од осум проценти.