Судскиот совет на Република Македонија на денешната седница треба да избере претседател на Основен суд Скопје 1, на што ќе претходи усвојување на конечната ранг листа за оваа функција.

Министерството за култура денеска од 12 часот во галеријата Мала станица ќе ја организира третата јавна дебата по предлог текстот за стратегијата во културата 2018-2022.

Тим од 13 експерти од Меѓународната агенција за атомска енергија (МААЕ) од Виена престојуваше во инспекција на Дирекцијата за радијациона сигурност (ДРС) и заклучи дека македонското регулаторно тело е посветено на подобрување на сигурноста и заштитата на луѓето и околината.

Предлог законот за изменување на Законот за јавни набавки, по скратена постапка, со кој се предлага укинување на Советот за јавни набавки, е на дневен ред на денешната 19. седница на Собранието на Република Македонија.

Во Кривичниот суд за денеска е закажано изрекувањето на пресудата за ексначалникот на УБК, кој е во екстрадициски притвор, Горан Грујевски, и за шесте службенички вработени во Управата за незаконско уништување на документацијата за нелегалното прислушување.

Владата ќе го менува Законот за административни службеници. Предложените измени и дополнувања беа денеска прифатени од Владата и ќе бидат испратени на усвојување во Собранието во редовна постапка.

На денешната седница Владата донесе одлука за престанок на акцијата „Ден на дрвото – засади ја својата иднина“ и го задолжи ЈП Македонски шуми да достави сеопфатна информација за ефектите и резултатите од оваа акција.

Љубомир Јовески, како што додаде владиниот портпарол, има долгогодишно искуство. Тој е професионалец, независен кандидат и Владата смета дека е личност која има капацитет целосно да ја врати довербата на граѓаните во институцијата јавен обвинител.

АМСМ наведува дека штрајкот ќе почне во четврток наутро во пет часот и ќе трае до 23 часот на ГП „Дојрани“, а на премините „Ники“ и „Евзони“ до пет часот наредниот ден.

Претседателот на Владата на Република Македонија Зоран Заев, денеска се обрати на конференцијата на тема „Странски терористички борци, промовирање, превенција и отпорност”, во оргнизација на мисијата на ОБСЕ во Република Македонија.