По паузата поради одржувањето на локалните избори, македонските пратеници денеска ја продолжија расправата по Предлог-законот за употреба на јазиците.

Претседателот на Република Македонија Ѓорге Иванов му го честита реизборот на Борут Пахор на функцијата претседател на Република Словенија, посакувајќи му искрени желби за натамошна успешна работа, лична среќа и добро здравје.

Процесот „Жан Моне“ не е продолжување на Договорот од Пржино и нема да носи одлуки кои се во надлежност на Собранието или било кои други македонски институции, изјави за „Мета“, Иво Вајгл.

Полицискиот синдикат реагираше што во Предлог-буџетот за 2018 година не се предвидени средства за усогласување на платите на вработените во МВР со платите на сродните институции и најави лобирање кај политичките партии.

Скопскиот Кривичен суд ги прифати обвиненијата за случаите „Тарифа" и „Траекторија" на Специјалното јавно обвинителство. Судските рочиштата за овие два случаи, како што потврдија за МИА од СЈО, дополнително ќе бидат закажани.

Тој се огради од коментaр и посочи дека премиерот веројатно има свои извори за такви податоци, а во врска со предметите за лица во кои постапува ДКСК, и каде што се води постапка, рече, не може да дава јавна информација.

Алаѓозовски, кој денеска учествуваше на конференција за програмата на ЕУ „Креативна Европа“, рече дека културното наследство не само што не било соодветно третирано, туку било злоупотребено.

Едно од три деца во Македонија е со зголемена телесна тежина. Според податоците на УНИЦЕФ, 14 отсто од момчињата на 11-годишна возраст во Македонија се со зголемена телесна тежина во споредба со четири отсто во Европа.

Шефовите на дипломатиите на Македонија и на Грција Никола Димитров и Никос Коѕијас денеска ќе имаат билатерална средба на маргините од состанокот министрите за надворешни работи на земјите од ЕУ во Брисел.

Постоењето на магичната фраза - политичка волја, реформската ориентираност и поддршката од нашите европски пријатели, потенцира министерот Димитров, се клучни за запечатување на европската иднина на Македонија.