Опцијата Глас за Македонија предводена од Солза Грчева која е дел од кампот Бојкотирам, објавија видео во кое нудат бесплатна правна поддршка на сите оние на кои им е вршен притисок за излегување или за гласање на претстојниот референдум. Покрај правната за граѓаните, Глас за Македонија се нуди да им помогне и на сите административци врз кои се врши притисок.

Одлуката е историска и се работи за иднината на нашите деца. Преку оваа одлука ние уште еднаш ќе потврдиме дека се носиме со одлучноста на нашите предци, кои храбро решаваа во 1903-та, 1941, 1991 година, истакна премиерот Зоран Заев на вечерашниот собир во центарот на Прилеп на коалицијата „Излези за европска Македонија“.

Претседателот на ДУИ, Али Ахмети рече дека треба да се соберат сите сили, позиција и опозиција бидејќи ова е заеднички проект за членство во НАТО и Европска Унија.

Шефот на Европската народна партија, Жозеф Дол, на твитер побара граѓаните во Македонија да „избегнат бојкот“ на претстојниот референдум.

Дојде време Европа овде да ја донесеме во Крушево, во Македонија, порача премиерот Зоран Заев на денешната трибини на „Излези За европска Македонија“ во Крушево.

Кампањата „Твој став, твое право“ како кампања од јавен интерес не спаѓа во јавната пропаганда за референдумот и истата може да се емитува и во петок, 28 септември и сабота, 29 септември, соопшти денеска Агенцијата за аудио и аудиовизуелни медиумски услуги.