Селекторот на Бразил, Тите останува на функцијата уште четири и пол години, откако ќе го води тимот и на Светското првенство во Катар во 2022-та година, ако се рангира таму. Ова беше објавено денеска од страна на Фудбалската конфедерација на земјата. Бразил отпадна во четвртфиналето на Светското првенство во Русија ова лето од силниот состав на Белгија.

Генералниот директор на Јувентус, Џузепе Марота потврди дека капитенот на Милан Леонардо Бонучи сака да се врати во тимот на „старата дама“. Централниот дефанзивец го напушти Торино со шокантен трансфер минатото лето и потпиша со „росонерите“ во договор вреден 40 милиони евра.

Манчестер Јунајтед го победи Милан во Интернационалниот куп на шампионите. Во редовното време, двата тима не се победија на стадионот Роуз Боул во Пасадена, Калифорнија, со што натпреварот заврши 1:1.

На Олимпик Марсеј му се заканува едногодишна суспензија од европските натпреварувања, доколку однесувањето на неговите навивачи не се подобри.

Голманот Петр Чех изјави дека не преговара за враќање во Челзи и дека ќе се бори да го задржи своето место во Арсенал, откако новиот тренер Унаи Емери во тимот го донесе Бернд Лено.

Тренерот на Манчестер сити Пеп Гвардиола ги отфрли гласините за трансфер од Јувентус на босанскиот фудбалер Миралем Пјаниќ.

Светската фудбалска федерација (ФИФА) го прогласи голот на францускиот репрезентативец Бенжамен Павар за најубав гол на Светското првенство во Русија.

Репрезентативецот на Португалија и поранешниот фудбалер на Спортинг Лисабон, Желсон Мартинс е најновиот играч на Атлетико Мадрид, соопшти шпанскиот клуб.

Извршниот директор на Борусија Дортмунд, Ханс-Јоаким Вацке призна дека веднаш би платил 100 милиони евра за топ-стрелецот на Баерн Минхен, Роберт Левандовски, кој си направи име токму во дресот на „жолто-црните“.

Португалскиот плејмејкер, Жоао Мутињо веќе е дел од англиската Премиер Лига, поточно од повратникот во елитата Вулверхемптон. Монако и Вулвс постигнаа договор вреден пет милиони евра, по што играчот ги помина медицинските прегледи и потпиша договор за две години.