Фудбалерот од средниот ред на сплитски Хајдук, Јани Атанасов доби повик од селекторот Благоја Милевски да биде дел од А репрезентацијата на Македонија за претстојните квалификациски натпревари за Светското првенство, соопштено е на веб-страницата на ФФМ.

Спортскиот директор на Пари Сен-Жермен, Леонардо соопшти дека клубот нема да му застане на патот на Килијан Мбапе кој изрази желба да замине во Реал. Единствен услов е шпанскиот клуб да ја плати сумата за предвремен раскин на договорот.

Раководството на Ла Лига ќе ги поддржи оние клубови кои ќе одлучат да не ги пуштат играчите на квалификациските натпревари за Светското првенство 2022 година.

Напаѓачот на Тотенхем, Хари Кејн најави дека нема да го напушти лондонскиот клуб во летниот преоден рок.

Селекторот на македонската фудбалска репрезентација Благоја Милевски попладнево го образложи изборот на играчи за септемврискиот циклус во мундијалските квалификации, и истакна дека фокусот е насочен кон првиот предизвик Ерменија.

Тројца дебитанти и четворица повратници во македонската фудбалска репрезентација се најдоа на списокот со играчи што новиот селектор Благоја Милевски го објави денеска за септемврискиот циклус квалификации за пласман на Светското првенство во 2022 година во Катар.

Италијанскиот десен бек со 13 настапи во дресот на Азурите, Давиде Запакоста (29), мина од редовите на актуелниот европски првак Челзи во Аталанта за сума од 10 милиони евра.

Англиските прволигашки екипи нема да им дозволат настап во септемвриските мундијалски квалификации на фудбалерите кои треба да играат репрезентативни натпревари во земји од британската црвена листа за патувања поради ковид ограничувањата.

Фудбалерите на швајцарски Јанг Бојс, португалска Бенфика и шведски Малме изборија синоќа пласман во групната фаза во новата сезона од Лигата на шампиони (ЛШ).

Реал Мадрид ја даде првата официјална понуда за трансфер на напаѓачот на ПСЖ, Килијан Мбапе, објави „Goal.com“.