Обамејанг ограбен во својот дом

Фудбалерот на Барселона, Пјер – Емерик Обамејанг, бил ограбен вчеравечер во својот дом во Кастелделфес, јавија денеска шпанските медиуми.

Четворица мажи му се заканиле нему и на неговата сопруга со огнено оружје и метални прачки.

Обамејанг бил удрен во брадата со прачка, а неговата сопруга добила удар во главата.

Разбојниците од семејниот сеф украле накит и побегнале со бело Ауди А3.

Ова не е прв пат семеен дом на играчи на Барселона да биде ограбен.

Цел на крадци во 2018 година беше и Жорди Алба.