Љупчо Марковски седна на клупата на Работнички

Поранешниот македонски фудбалски репрезентативец Љупчо Марковски од денеска е нов тренер на прволигашот Работнички.

– Раководството на клубот се договори со досегашниот тренер на Скопје да се пресели на Градски Парк и следната сезона да го предводи тимот на „романтичарите“, соопшти Работнички.

– Сметаме дека со неговиот фудбалски авторитет во Македонија и искуството за работа со млади и талентирани фудбалери, ќе успееме да го подигнеме нивото на младиот тим на Работнички. Клубот и понатаму останува посветен на продуцирање македонски играчи, кои ќе добиваат шанса за докажување, изјави претседателот на Работнички, Драган Поповски, за клупскиот сајт.