Ди Марија по СП во Катар ја завршува репрезентативната кариера

Аргентинскиот крилен напаѓач Анхел Ди Марија (34) објави дека ќе се збогува со настапите во репрезентативниот дрес по Мундијалот чиј домаќин во ноември и декември ќе биде Катар.

– По ова Светско првенство ќе биде време да и кажам збогум на репрезентацијата. Има многу, многу играчи, кои се на репрезентативно ниво и се сè подобри и подобри, изјави Ди Марија, кој ова лето ќе го напушти ПСЖ, но сè уште не одлучил за својот нов клуб.

Ди Марија има 121 натпревари и 24 голови за аргентинската репрезентација во својата кариера. Тој лани во финалето на Копа Америка беше стрелец на победничкиот гол со кој Аргентина го победи Бразил и го освои своето прво големо натпреварување по пауза од 28 години