Каратистите на Макпетрол освоија шест медали на турнирот „Златен појас на Чачак“

На турнирот „Златен појас на Чачак“ одржан викендот, каратистите на Макпетрол се закитија со шест медали, по два златни, сребрени и бронзени.

Златни медали освоија Јована Мицовска и Стефан Стојановиќ, со сребро се закитија Марија Петровска и Данило Божовиќ, додека Сара Радичевска и Моника Пендаровска освоија бронзени одличја.

Тренерот Петар Заборски е задоволен од постигнатите резултати.

– На овој силен натпревар заминавме со вкупно 13 спортисти. Турнирот е најсилен регионален турнир посебно за балканскиот простор и тоа првенствено во сениорска и младинска конкуренција, учеството на националните репрезентации од 14 држави само по себе говори , дека имаше извонредно квалитетна конкуренција. Ние успеавме да освоиме вкупно 6 (шест) медали, и куриозитет тоа што вториот ден на генералната листа на клубови по број на освоени медали го освоивме третото место, истакна Заборски.

На турнирот учествуваа вкупно 111 клуба од 14 држави.