Петмина загинати, десеттина повредени во железничка несреќа во јужна Унгарија

Пет лица го загубија животот, а десеттина се повредени во сообраќајна несреќа што утрово се случи во јужниот дел од Унгарија. Несреќата се случила околу седум часот изутринава на железнички премин кај Миндсент во близина на границата со Србија.

„Спасувачките акции сè уште се во тек, така што се уште не можеме да го утврдиме бројот на жртви. Во несреќата неколкумина се повредени, а неколку починале на местото на настанот“, се вели во соопштението на полицијата, без да се наведат дополнителни детали.

Како што се вели пак во соопштението на полицијата, камионот влетал во шините и возачот ги игнорирал црвените светла за да застане.