Ердоган: Турција презема мерки поради наводите за подводни мини во Црно Море

Турскиот претседател Реџеп Тајип Ердоган денеска, по повод руските тврдења за пловечки мини од Одеса, украински град и пристаниште во Црното Море, изјави дека турското Министерство за одбрана ги презема сите неопходни мерки.

– Ќе се направи сè што е потребно, нема простор за загриженост, истакна Ердоган.

Русија во саботата предупреди дека подводните мини во Црното Море, поставени од украинската армија околу пристаништата Одеса, Очаков, Черноморск и Јужни, би можеле да стигнат до Босфор, па дури и до Средоземното Море.