Двајцата руски дипломати прогласени за „персона нон грата“ ја напуштија Бугарија

Двајцата руски дипломати, кои беа прогласени за „персона нон грата“ денеска заминаа од Бугарија со своите семејства, јави дописникот на МИА од Софија.

Бугарското Министерство за надворешни работи на 2 март двајца руски дипломати прогласи за „персона нон грата“ и им даде рок од 48 часа да заминат од Бугарија. Одлуката е донесена откако бугарските специјални служби открија дека поранешен бугарски бригаден генерал доставувал информации за активностите на ЕУ и НАТО до советник во Руската амбасада во Софија.

Портпаролката на руското Министерство за надворешни работи, Марија Захарова изјави дека Москва го задржува правото да возврати на протерувањето на руските дипломати.