Џигероски го замени Бочески на клупата на Охрид

Поради незадоволителни резултати на почетокот од сезоната, раководството на фудбалскиот второлигаш Охрид спогодбено ја прекина соработката со досегашниот шеф на стручнио штаб Драган Бочески.

За нов тренер на охридската екипа е назначен Пепи Џигероски.

– И на двајцата им посакуваме успех во понатамошната кариера, соопшти попладнево клубот.

Екипата на Охрид, која минатата сезона стигна до баражот за пласман во Првата македонска лига, е последнопласирана во западната второлигашка конкуренција со само една победа и пет порази по воведните шест кола.