ОИ: Бразил против САД во финалето на женскиот одбојкарски турнир

Бразилските одбојкарки рутински попладнево обезбедија дуел во финалето на олимпискиот турнир против САД, откако во полуфиналето во „Ариака Арена“ во Токио ја совладаа Јужна Кореја со 3-0 (25-16, 25-16, 25-16).

Убедливи на патот кон финалето претходно денеска беа и Американките со триумфот над актуелниот светски и европски првак, репрезентацијата на Србија, со 3-0 (25-19, 25-15, 25-23).

Финалето е на распоредот в недела со почеток во 6:30 часот.

Бразилките го освоија златото на Олимписките игри во Пекинг 2008 и Лондон 2012, а на домашен терен во Рио де Женеиро во 2016 година беа петопласирани.

Американките, исто така, имаат три медали на последните три Олимписките игри – сребро во Пекинг 2008 и Лондон 2012 и бронза во Рио 2016.