Астон Вила му нуди на Грилиш плата од 150 илјади фунти неделно

Премиерлигашот Астон Вила се обидува да го задржи играчот од средниот ред Џек Грилиш во тимот, пренесува „The Telegraph“.

Според британскиот весник, клубот на 25-годишниот Англичанец му нуди нов договор со плата од 150 илјади фунти неделно.

Во сезоната 2020/2021, Грилиш забележа 27 настапи за Астон Вила, постигнувајќи седум голови и 12 асистенции.

Порталот Transfermarkt.com го проценува играчот на 58,5 милиони фунти.

На 26 јуни беше објавено дека Грилиш ги договорил условите за трансфер во Манчестер сити.