Ана Димитровска прва фудбалерка со 100 погодоци за шампионот ЖФК „Каменица Саса“

Капитенот Ана Димитровска од екипата на актуелниот шампион во женски фудбал, ЖФК „Каменица Саса“ стана првиот стрелец во екипата со најмногу постигнати голови. Со бројката од 100 постигнати погодоци, капитенот Димитровска е најефикасниот фудбалер во екипата, заради што девојките од шампионскиот клуб од М.Каменица во знак на благодарност и пожртвуваност за беспрекорноста во играта и приредија изненадување.

-ПРЕД ДЕНЕШНИОТ ТРЕНИНГ, МАЛО ИЗНЕНАДУВАЊЕ ЗА НАШИОТ НАЈДОБАР СТРЕЛЕЦ И ВТОР КАПИТЕН АНА ДИМИТРОВСКА КОЈА ВЕЌЕ ПОСТИГНА 100 ГОЛОВИ ВО ОФИЦИЈАЛНИ НАТПРЕВАРИ И НА КОЈА И ПОСАКУВАМЕ И ПОНАТАМУ ДА ГИ ТРЕСЕ ПРОТИВНИЧКИТЕ МТРЖИ И СО ТОА ДА И НОСИ НОВИ УСПЕСИ НА ЕКИПАТА, ИСТАКНАА ОД ЖФК „КАМЕНИЦА САСА“

Ана Димитровска во моментов, со 51 постигнат гол е прв стрелец во Првата женска фудбалска лига. Димитровска годинава го постигна и првиот историски гол за ЖФК „Каменица САСА“ во Европската Лига на Шампиони, а има постигнато и 18 голови во куп натпреварите.