Манифестација „Лазарски обредни поворки во Теарце“

Културно уметничкото друштво „Кирил Пејчиновиќ“ од Теарце во редуцирана форма поради пандемијата денеска ја одржа манифестацијата „Лазарски обредни поворки во Теарце“.

За пошироката публика преку социјалните мрежи со пренесување во живо беа претставени лазарските обредни поворки, традиционален начин на одбележување на Лазарева сабота во Долни Полог и посебно во селото Теарце.

-ПОВОРКАТА ЗАПОЧНА ОД ЦРКВАТА „СВЕТИ ДИМИТРИЈ“ ПО ШТО ДЕВОЈКИТЕ ИСПОЛНУВАЈЌИ ГИ ПРАЗНИЧНИТЕ ПЕСНИ ПОМИНАА НИЗ ГЛАВАТА УЛИЦА ВО ТЕАРЦЕ. ПРЕТСТАВЕН БЕШЕ И КРАТКОМЕТРАЖЕН ФИЛМ ЗА ЛАЗАРСКИ ОБРЕДИ ОД ЕТНИЧКИОТ ПРЕДЕЛ ДОЛНИ ПОЛОГ, СО ОСВРТ НА ОБРЕДНИТЕ ОБРЕДИ ВО ТЕАРЦЕ, КОЈ БЕШЕ СНИМЕН ПРЕТХОДНИТЕ ДЕНОВИ ВО СЕЛО БРЕЗНО, ЦЕЛТА НА МАНИФЕСТАЦИЈАТА Е АФИРМАЦИЈА НА АВТЕНТИЧНОСТА НА ЛАЗАРСКИТЕ ОБРЕДНИ ПОВОРКИ ВО ТЕАРЦЕ, ОЖИВУВАЊЕ НА ТРАДИЦИОНАЛНИТЕ ОБРЕДНИ ПОВОРКИ, КАКО И ПРОМОЦИЈА НА ЛОКАЛНАТА ТРАДИЦИЈА, ФОЛКЛОР И КУЛТУРА, НО И ЗАЧУВУВАЊЕ НА КУЛТУРНОТО И ФОЛКЛОРНО НАСЛЕДСТВО ОД НЕГОВО ИЗУМИРАЊЕ, ИЗЈАВИ САШО КОСТАДИНОВСКИ, ЕТНОКОРЕОЛОГ И УМЕТНИЧКИ РАКОВОДИТЕЛ НА КУД „КИРИЛ ПЕЈЧИНОВИЌ“ – ТЕАРЦЕ.

Според етнокореологот, овој дел од традицијата на македонскиот народ е многу важно да се зачува од изумирање, затоа што ни ја доловува значајаната улога на жените како чувари на колективниот живот.

-ЛАЗАРСКИТЕ ОБРЕДНИ ПОВОРКИ СЕ МОЖНОСТ ДА ДОЗНАЕМЕ ЗА СУШТИНАТА И ФОРМАТА НА ТАА ТРАДИЦИЈА КОЈА ПРЕКУ МУЗИКАТА И НАШИОТ ФОЛКЛОР СЕ ПРЕНЕСУВА СО ВЕКОВИ НАНАЗАД. ВОЕДНО ТАКА ДОЗНАВАМА ЗА УЛОГАТА НА ЖЕНАТА КАКО НОСИТЕЛ, ЧУВАР КАКО И ВО НЕГУВАЊЕ НА ТРАДИЦИЈАТА, ИЗЈАВИ САШО КОСТАДИНОВСКИ.

Покрај одбележување на денот Лазарева сабота, манифестацијата вклучува и стручно предавање и едукација на младите од Теарце за фолклорната традиција на Полог и пошироко. Активностите се дел од проектот „Лазарски обредни поворки во Теарце” што КУД „Кирил Пејчиновиќ”- Теарце ќе го реализира во понатамошниот период во текот на месец април.