Се реконструираат училниците во централниот објект на гимназијата „Кирил Пејчиновиќ“ во Тетово

Во централниот објект на гимназијата „Кирил Пејчиновиќ“ во Тетово започна процес на целосна реконструкција на сите затворени простории. Се предвидува менување на сите врати и прозорци и обнова на ѕидовите со малтерисување и бојадисување.

-Во централниот објект ќе има темелна реконструкција на сите наставни места. Како Општина Тетово заедно со гимназијата ќе продлжиме со овие активности во однос на реконструкцијата и одржување на стандарди за упис, кои ни овозможиле оваа гимназија да биде една од најуспешните во државата, изјави градоначалничката Теута Арифи.

Во процесот за реконструкција веќе е завршено уредување на салата за состаноци на наставниците, како и дворот-паркингот на училиштето. Реконструкцијата чини 9 милиони денари.