Кавадаречките извидници во акција, хранеа животни од улица и собираа отпад

Кавадаречките извидници денеска организираа акција, хранеа животни кои живеат на улица и собираа отпад од околината.

Претседателот на Извидничкиот одред „Авантуристи” Дарко Зоков информираше дека на тој начин е одбележан роденденот на извидничката организација во светот, одреден според датумот на раѓање на основачот на извидничкото дружење Лорд Роберт Баден Пауел.

-Со ова сакаме да укажеме на сегашните и идните генерации да се грижат повеќе за природата која е најголем услов за опстанокот на живиот свет. А извидниците создаваат подобар свет, нагласи Зоков.

Тој најави и други вакви и слични акции во иднина.