Ново противпожарно возило за струшката Пожарна

Територијалната противпожарна единица во Струга доби теренско возило, донација од струшки бизнисмен, кој сака да остане анонимен за јавноста.

На промоцијата присуствуваа градоначалникот на Општина Струга Рамиз Мерко и претставници на противпожарната единица, кои изразија благодарност за донацијата.

– Општествената одговорност е главен двигател во општеството. Важна е за развивање на градот и туризмот, а безбедноста на граѓаните на Струга е секогаш приоритет, истакна Мерко.

Возилото, кое располага со резервоар од околу шест тона, додаде, ќе го подобри возниот парк и ќе ја зголеми ефикасноста на ТППЕ Струга.

– Со новото возило ќе се зголеми безбедноста и заштитата при пожари, а со тоа ќе се зголеми и ефикасноста на струшките пожарниари, рече градоначалникот Мерко.

Возниот парк на струшката пожарна располага со четири противпожарни возила и еден теренски џип.