Превентивна кампања против употреба на петарди во Кавадарци

Превентивна акција во рамките на кампањата против употреба на петарди се реализираше денеска во Кавадарци, од страна на Одделот за превенција при ОВР Кавадарци.

Во кампањата се вклучија и пратеничката Даниела Колева, како и претседателот на Советот на општината, Ристо Сакалиев.

-Ни се придружија исто така и претставник од авто школа, претставници од бизнис секторот кои исто така упатија апел до граѓаните, а посебно до помладите генерации, да не се употребуваат петарди и пиротехнични средства за време на Новогодишните и Божикните празници. Поделени беа новогодишни честитки со содржина против употреба на петарди и можните последици од нив. Честитките ги изработија самите ученици, како и едукативни флаери, со законските одредби за тие, кои на јавно место пукаат со петарди или други пиротехнички средства, појасни Димитар Каракулев, инспектор за превенција.

Опфатено беше централното градско подрачје и плоштадот во Кавадарци. Во акцијата беа запазени сите мерки за заштита од вирусот Ковид-19.