Еден од најголемите конкуренти на Хабиб Нурмагомедов – Конор Мекгрегор – испрати многу емотивна порака на социјалните мрежи по веста дека „Орелот“ ќе стави крај на својата кариера.

Дагестанскиот борец го победи Џастин Гејџи на почетокот на втората рунда и потоа објави дека завршува со ММА.

Конор почувствува дека се отвора „работно место“ за нов шампион во дивизијата и реши да го сврти вниманието кон себе, само овој пат со почит кон „кралот“.

„Добар настап, Хабиб. Јас ќе продолжам. Почит и сочувство за татко ти повторно. На тебе и твоето семејство. Искрено твој, семејство Мекгрегор”, напиша Конор.

Ирската суперѕвезда ќе се бори со Дастин Порие во јануари, но сега оваа борба може да биде за титулата во лесна категорија.


Администратор
25/10/2020 12:28