Возилата од 90.000 не се купени, туку се на лизинг и ќе бидат вратени, потврди Лидија Димова

Откако во јавноста излегоа информации во врска со набавка на луксузни возила во вредност од околу 90.000 евра од страна на директорката на Националната агенција за образовни програми и мобилност Лидија Димова, одговорајќи на новинарски прашања истакна дека возилата не се купени туку се изнајмени на лизинг и се на користење во времетраење од три години.

Како што е познато, беше објавено дека во 2018 година, Агенцијата набавила „фолксваген пасат“ во вредност од 45.327 евра и „фолксваген тигуан“ вреден 43.576 евра. Димова објасни дека станува збор за тригодишен лизинг на возилата, во вкупна вредност од 90.000 евра.

Таа додаде и дека од Брисел не и дозволиле да се купат возила туку и било посочено дека може да се изнајмат.