Коронавирус и во радовишките училишта, се заразил второоделенец, десетина деца одат во самоизолација

Седум до десет ученици од второ одделение од Основното училиште „Коста Рацин” од радовишкото село Подареш ќе бидат ставени во изолација, откако нивен соученик на седумгодишна возраст е позитивен на тест за коронавирус.

Информацијата ја потврди директорката на Центарот за јавно здравје во Штип, Марија Димитрова.

-Останатите ученици од прво и од трето одделение, кои посетуваат настава во ова училиште не се ставаат во изолација, бидејќи според анкетата немале контакт со учениците од второ одделение, .

Додаде дека одлуката да се стават децата во изолација ја донеле попладнево во консултациja со епидемиолог од Радовиш.

Ова е прв заразен ученик во источниот и југоисточниот регион, кој наставата ја следи со физичко присуство во училиштетo