Драматична состојба на Преспанското езеро, од ден на ден се повеќе исчезнува (Галерија)

Слики од драматична состојба на преспанското езеро објави Фејсбук групата „Пријатели на Преспа“. Тие апелираат дека од ден на ден езерото се повеќе исчезнува.

Езерото пресушува, брегот е десетици метри навлезен кон езерото, поради опаѓање на водостојот.

… И додека сите молчат пред нас и пред наши очи се губи еден бисер… Досега на Преспанско имаше два острови, но сега излегуваат многу острови и полуострови. Тиња, кал и призорот дека тука имало вода, жалосна слика. Овој бисер моли и ја бара нашата помош. Сликите кои денес ги затекнав, се уште еден показател дека ова езеро е на работ на пропаста. Крајно време е да се реагира ако сакаме овој бисер и понатаму да сјае и да ја краси нашата земја“ предупредуваат од Групата и апелираат да се споделуваат фотографиите за да не го изгубиме „Преспанско“.