Груби: Ќе се смени деловникот за работа на Влада за официјално да се воведе функцијата прв вицепремиер

Прв потпретседател на Владата означува дека тој ќе го заменува премиерот, во негово отсутство, истакна Артан Груби на денешната прес-конференција откако влезе во владиниот кабинер.

– Секако, ќе работиме заедно. Ние сме коалициска Влада и моја задача првенствено е да ги хармонизираме нашите ставови во програмата која заеднички ја имаме сплотено и усвоено и да ја имплементираме. Секако, дијалогот меѓу нашите две политички партии кохезивно во новата Влада ќе треба Заев и јас да го спроведеме во секојдневни дејствија, рече Груби.

На новинарско прашање дека во Законот за Влада не постои функција прв вицепремиер и дали ќе го менуваат Законот, Груби сопшти дека сметаат оти треба да се промени Деловникот за работа на Владата и тоа ќе го разговараат на утрешната седница.