Стаменковска: Гужвите пред подрачните единици покажуваат колку е успешна "дигитализацијата" на Манчевски

Дополнителната заменик министерка за информатичко општество и администрација Невенка Стаменковска Стојковски реагира на изјавите на министерот Дамјан Манчевски во врска со дигитализацијата на администрацијата прикажувајќи слики од гужви пред подрачните единици на државните институции.

- Колку звучи несериозно па макар било и од Дамјан Манчевски, после цели 3 месеци да најавува нови протоколи во институции и дигитализација на истите.

Вработените и граѓаните се незаштитени а институциите се новите кластери на #Ковид19.

Почитување на Законот за безбедност и здравје при работа и воведување на протоколи беа потребни и во месец март како што се потребни и денес.

Одговорноста е кај функционерите на СДС кои како што имаат права имаат и обврски‼️

Дамјан Манчевски се изгуби во времето и освен да инсистира на казнување на граѓаните, нека почне со казнување на своите сопартијци кои се највиновни за неспроведување на законот, протоколите и мерките за заштита на здравјето и животот на вработените во јавниот сектор!

Дигитализацијата на Манчевски, може да ја видите чекајќи со саати пред Центрите за социјална работа, АВРМ, ФПИОМ, УЈП, ФЗО, Матична евиденција, Катастар и други институции.

Мерките кои требаше да помогнат во справување со пандемијата, ги искористивте за поткуп и свесно изложување на граѓаните во непотребен ризик пред институции. Со часови да чекаат и молат за милост на вашата "дигитализација" истата таа која мачната реалноста и секојдневие ја демантираше.

Одговорност ќе има за непочитување на законите и за свесно загрозување на здравјето и животот на вработените во јавниот сектор така и за граѓаните кои 3 месеци чекаат милост од државата и три години ја чекаат дигитализација на Манчевски, реагира дополнителната заменик министерка за информатичко општество и администрација.