По подолго време, во ГОБ „8 Септември“ и на инфективна клиника примени рекордни 26 нови пациенти со корона

Во изминативе 24 часа примени се 10 пациенти, хоспитализирани се вкупно 49 пациенти. Од нив 22 се потешко болни и на кислородна поддршка.

До изутрината во ГОБ „8 Септември“ примени се 16 нови пациенти, а вкупно хоспитализирани се 34 пациенти. На респираторна машина се шест, a со потешка клиничка слика се шест пациенти.

Во болницата во Битола се хоспитализирани девет пациенти, а на домашно лекување се следи еден пациент.

Во болницата во Штип се хоспитализирани 16, а на домашно лекување се следат 11 пациенти. На инфективните одделенија во Охрид, Велес, Куманово и Прилеп се хоспитализирани 26 пациенти – позитивни и сомнителни на Ковид-19, стои во соопштението од Министерството за здравство.