Мицкоски: Ја гребат Вергината зошто имаат нечиста совест, ја корнат зошто мислат дека ќе ја нема

Откако јавноста жестоко реагираше на брусењето на Вергината на плоштадот во Крива Паланка за време на полициски час, со своја раакција излезе и Претседателот на ВМРО-ДПМНЕ Христијан Мицкоски.

Тој во својот статус вели дека и колку власта да се обидува да го корне и да го бруси, Вергината никогаш не може и нема да исчезне.

- Го гребат затоа што имаат нечиста совест, го корнат затоа што мислат дека ќе го нема. Но сонцето утре пак ќе изгрее, а во химната стои: Денес над Македонија се раѓа ново сонце на слободата, напиша на Фејсбук лидерот на ВМРО-ДПМНЕ Христијан Мицкоски.