МААК: СДСМ ќе ја поддржи БЕСА во нивните барања за федерализација на Македонија

Денеска конечно се оствари она што се очекуваше. Денеска се официјализираше коалицијата за федерализација на Македонија, предводена од СДСМ. Денеска СДСМ и БЕСА која јавно бараше федерализација на Република Македонија со документ стапија во предизборна коалиција.

Коалицијата помеѓу СДСМ И БЕСА е коалиција за исполнување на последната точка од Тиранската платформа,а тоа е федерализација на Македонија. Имено, во програмата на Беса јасно пишува дека партијата е ќе се залага за федерализација и редифинирање на државата со што истата го загрозува уставниот поредок и ја поткопува државноста на Македонија. Денеска, истата партија за реализација на својата платформа гледа поддршката во анационалната СДСМ и потпишува предизборна коалиција. Ги повикуваме македонските граѓани силно да се спротистават на идејата на овие два политички субјекти и казната да им ја испорачаат на 12 април со што нивната идеја за разнебитување на македонската држава ќе биде поразена.

Центар за комуникација при МААК