Мицкоски во МАТТО: Како Влада ќе се заложиме за двоцифрени бројки на инвестиции од Турција

Претседателот на ВМРО-ДПМНЕ Христијан Мицкоски денеска оствари средба со претседателот на МАТТО Ајдован Адемоски. Мицкоски упати благодарност до претседателот на Македонско-турската стопанска комора за можноста опозицијата да ги претстави политиките и проектите кои што планира да ги реализира како идна влада во Македонија.

- За нас е исклучително важна оваа средба бидејќи од она кое што знае македонската јавност или па можеби се уште не знае, е фактот дека повеќе од 2 милијарди евра инвестиции имаат овие компании кои што се дел од оваа стопанска комора и повеќе од 10.000 вработени практично се дел од компаниите кои што се дел од Македонско-турската стопанска комора. Факт кој што сам по себе е импозантен, факт кој што сам по себе значи многу.

Нашата заложба, односите на идната влада предводена од ВМРО-ДПМНЕ, заедно со сите стопански комори вклучувајќи ја стопанската комора помеѓу Македонија и Турција да се продлабочуваат да се интензивираат и зошто да не зборуваме за двоцифрени бројки на инвестиции на вложувачи од страна на Турција овде во Република Македонија и зошто да не зборуваме за 2 до 3 пати повеќе вработени кои што ќе работата во компаниите кои што се дел од оваа бизнис асоцијација.

Така што навистина за мене преставува чест и задоволство што ќе можам денеска да разговарам со искусни претприемачи, бизнисмени, луѓе кои што оставиле забележителна трага на економијата во Македонија. Нешто да слушнеме, дел од тоа што ќе го слушнеме очекуваме да биде дел од нашата програма исто како што слушавме од другите стопански комори каде што, како што кажа и претседателот Ајдован очекувам една плодна и навистина квалитетна средба денеска на состанокот, истакна Мицкоски.