Зоран Заев и сам призна дека се точни и оваа и претходната бомба - што ги емитуваше пратеникот Антонио Милошоски, но и дека екс премиерот ги познавал сите постапки на специјалната обвинителка Катеца Јанева. Ова вечерва во емисијата „Што не е јасно?“ го кажа токму Милошоски.

-Се гледа дека Заев немал принципи кога зборел за реформи во правосудстовото. Односно едно зборел во јавноста, а на поинаков начин делувал бидејќи според втората објавена снимка се гледа дека господинот Заев и тој не го негира тоа тој бил во блиско содејство со судии од Апелација, Врховен суд и во многу блиска релација со госпоѓата Катица Јанева како обвинителка каде што во еден сегмент кажува дека без Заев ништо не се може. Катица знае и мора да помага на таков и таков начин, рече Милошоски

Според него премногу е сомнително оти Катица Јанева и Бојан Јовановски сами можеле да рекетираат бизнисмени за милионски суми без поддршка од власта.

-Мислам дека Катица Јанева и Бојан Јовановски, двајцата како пар немаат капацитет личен ниту инститтуционален да направат рекетирање на толкав голем број стопанственици без да имаат поддршка дополнителна од дел од власта. Дали е тоа извршна власт дали е премиер, дали е министер, дали е полиција, дали е некој друг битен во судскиот или обвинителскиот систем тоа ќе си докаже истрагата во иднина, вели тој.

Заев бил во тек со сите постапки на Катица Јанева истакна Милошоски.

-Во месец мај 2019-та година Заев разговара со соработниците за Јанева како за свој соработник која што е во тек со се, тој тврди дека уште во април го пријавил случајот „Рекет“. Ние со Десковска во мај водевме преговори за Законот за јавно обвинителство СДСМ инсистираше дека Јанева ќе добие трансфер во Републичкото јавно обвинителство, вели Милошоски.