Зошто ВМРО ДПМНЕ не го напушти Собранието?

После сите случувања во Собрание, разрешувањето на министерката Рашела Мизрахи, уцените со носење на закони на штета на Уставот само заради политички пазарења, јавноста е се погласна во прашањето зошто ВМРО ДПМНЕ уште седи во парламентот наместо да го напушти и да ја блокира неговата работа. На ова прашање, во синоќешното вклучување во живо во телевизија Алфа одговори координаторот на пратеничката група на партијата Никола Мицевски.

-Ако не сме тука да контролираме во ова Собрание, вчера и денеска, ќе беа изгласани 200 закони по скратена постапка. Затоа што ако не сме во Собранието , за комисиите што ги води ВМРО ДПМНЕ ќе назначат други, од нивите редови да ги води, па на тој начин ќе поминат уште 200 други закони по скратена постапка, вклучувајќи го и законот за опојни дроги и психотропни супстанции. Ќе поминат и нови задолжувања на штета на буџетот, што ќе ги платат граѓаните на Република Македонија и тоа ќе биде толкувано како можност за одлагање на изборите а ВМРО ДПМНЕ нема да го дозволи тоа, вели Мицевски.