Стаменковска до Манчевски: Освен проекти на ВМРО-ДПМНЕ ништо друго не сработивте

Невенка Стаменковска-Стојковски дополнителната заменик министерка во Министерството за администрација и информатичко општество реагираше на прес-конференцијата на Манчевски во која тој ги обвини техничките функционери во преодната влада дека единствено што прават е блокирање на процесите во државата.

- Почитуван министер на Зоран Заев, да имавте капацитет и знаење онака како што прокламирате досега во МИОА ќе спроведевте некој нов проект, НО вие ги спроведувате проектите кои ВМРО-ДПМНЕ ги креираше и започна со нивна реализација. Толку е вашиот капацитет, да продолжите онаму каде што нас не спречивте да работиме. Наместо да се затскривате зад партиски пресови, партиски вработувања и непотизам кажете што навистина сработевте. И да, ќе протестирам секој пат кога вие ќе се иживувате врз невини луѓе, наместо да ги гоните криминалците од Рекет 1, 2, 3...