По 4 дена на мобилизација и штрајкови во јавниот превоз, Французите не го промениле фундаментално своето мислење за протестното движење, 68 отсто од анкетираните велат дека го поддржуваат претстојното движење, што е за еден поен помалку од пред првиот ден на штрајкови и демонстрации, јавува дописникот на МИА.

Според испитувањето на Харис интерактив за РТЛ и АЕФ, поддршката останува многу јасна кај левицата (повеќе од 80 отсто од гласачите за Жан-Лук Меленшон или Беноа Хамон го подржуваат движењето), како и кај тие и екстремната десница (82% од гласачите на Марин Ле Пен). Дури и гласачите при првиот круг на претседателските избори за Емануел Макрон не се малку: дури 41% се изјаснуваат за поддршка на мобилизацијата (на ниво суштински идентично со она измерено пред 5 дена).

Иако има помалку отколку во средината на минатата недела, повеќе од две третини од секојдневните корисници на јавниот превоз изјавиле дека го поддржуваат (68%, -11).

Французите притоа не му даваат мнозинска доверба на ниту еден актер за да даде подобри предлози во рамките на пензиската реформа. Синдикатите се сепак оние кон кои првенствено гледаат Французите: (42% доверба (-2) наспроти 32% за Претседателот (+7), 30% за владата (+5)) и 29% за претставниците на работодавачите (+3) .

Неколку дена пред говорот на Едуар Филип, 13% од Французите (+2) сакаат владата да го задржи реформскиот план како што стои, 36% да го смени малку (+3), 29% силно да го мени (-4) и 22% да се откаже (-1). Притоа се забележува дека повеќе од половината на гласачите за претседателот Емануел Макрон се залага за прилагодување на маргините на реформата.

Заклучокот од ова испитување на јавното мислење е дека одреден број Французи усвојуваат иста позиција како пред првите денови на мобилизацијата против пензиските реформи и се чини, не го променија нивното мислење.


Администратор
09/12/2019 15:38